Жаҳон банки Ўзбекистон, Қозоғистон ва Қирғизистонга Қамбарота ГЕС қурилиши учун 500 миллион доллар бериши мумкин. Бу ҳақда Қирғизистон энергетика вазирлиги раҳбари Таалайбек Ибраев маълум қилди.

Унинг қўшимча қилишича, электр станциясини қуриш халқаро молия институти учун устувор вазифадир.

Қирғизистон энергетика вазирлиги раҳбарининг сўзларига кўра, келажакдаги ГЕС учун тўғон тури аллақачон аниқланган. Жаҳон банки лойиҳани техник-иқтисодий асослаш учун жами 18,6 миллион доллар юборди.

Қамбарота ГЕС-1 Қирғизистоннинг Нарин дарёсида қурилиши кутилмоқда. Ҳар йили электр станцияси 5,6 млрд кВт соат электр энергияси ишлаб чиқаради. Қирғизистон ҳукумати лойиҳанинг нархини 3,6 миллиард долларга баҳоламоқда.

• GES
• Жаҳон банки
• Ўзбекистон
• qurilish