Ўзбекистонда жаҳон чемпионатларида зафар қучган спортчилар ва уларнинг мураббийлари юксак эътирофга сазовор бўлди. Президент совғаси сифатида уларга замонавий автомобиллар ҳамда пул мукофотлари топширилди.

Олтин медаль соҳиблари BYD Champion Song русумидаги автомобиль ва 15 минг АҚШ доллари, кумуш медаль эгалари эса BYD Chazor ҳамда 7 минг доллар, бронза медаль соҳиблари эса BYD Chazor ва 3,7 минг долларлик мукофот билан тақдирланди. Шунингдек, мураббийларга ҳам бир марталик пул мукофотлари берилди.

Мукофотларни Президентнинг спорт масалалари бўйича вакили Одил Абдураҳмонов, Ёшлар ишлари ва спорт вазири Адҳам Икрамов ҳамда Миллий олимпия қўмитаси раиси биринчи ўринбосари Отабек Умаров тантанали равишда топширди.

Тақдирлаш маросимида спортчилар ва уларнинг оилалари номидан Руслан Нурудинов, Абдумалик Халоков, Тўлқин Қиличев ва Жавоҳир Умматалиевнинг отаси Туробжон Умматалиев миннатдорлик изҳор этдилар.

• BYD
• Бокс
• Жаҳон чемпионати
• МОҚ
• Президент