Independent нашрининг хабарига кўра, хитойдаги океанариумда минглаб одамлар томошага келган ва улар мириқиб кўрган китсимон акула аслида робот бўлиб чиққан.

5 йиллик таъмирлаш ишларидан сўнг Xiaomeisha Sea World океанариуми қайта ишга тушган, унга кириш билетининг нархи 40 доллар қилиб белгиланган. Океанариумдаги китсимон акулага кўпчилик қизиқиш билдирган ва акула ҳафтанинг юлдузига айланган. Бир ҳафтада уни кўриш учун 100 мингга яқин томошабин ташриф буюрган.

Кейинроқ эса бу акула аслида робот эканлиги фош бўлган ва кўпчиликнинг норозилигига олиб келган. Океанариум танқидлар остида қолган. Мутасаддилар эса робот-акулани ясашга миллионлаб доллар сарфлангани, ҳақиқий китсимон акулаларни тақиқловчи қонун туфайли шундай қилишга мажбур бўлишганини айтишган.

• Lifestyle
• Okean
• Хитой