Бразилия президенти Луиз Инасиу Лула да Силва Йигирмалик гуруҳи (G20) саммитида бой мамлакатлардан ривожланаётган мамлакатларга иқлим ўзгаришига қарши курашиш учун 100 миллиард доллар миқдорида молиявий ёрдам сўради. Бу ҳақда Bloomberg хабар берди.

“Бой дунёда углерод чиқиндиларини камайтириш ва масъулиятни глобал жануб мамлакатларига ўтказишдаги муваффақияти билан мақтанишдан маъно йўқ. "Биз ҳамма иштирок этади деган умиддамиз. Шундай қилиб, ер гўзаллигини нафақат коинотдан олинган фотосуратлардан кўриш мумкин”, – дейди Бразилия президенти.

G20 саммити 9-10 сентябрь кунлари Ҳиндистоннинг Нью-Деҳли шаҳрида ўтказилади. G20'нинг барча мамлакатлари ва бошқа тўққизта давлат (Бангладеш, Миср, Испания, Маврикий, Нигерия, Нидерландия, БАА, Уммон ва Сингапур) раҳбарлари йиғилишда иштирок этмоқда. Декабрдан бошлаб G20 раислиги Бразилияга ўтади.

• Braziliya
• Экология
• G20