Ҳар бир халқларнинг ўзига хос анъаналари, хатти-ҳаракатлари ва кундалик одатлари бор. Баъзан эса саёҳат қилишда ўзимиз билмаган ҳолда чет элнинг одоб-ахлоқ қоидаларини бузамиз. Ушбу мақола келажакдаги саёҳатларда ноқулай вазиятлардан қочишингизга ёрдам беради.
Чилида қўлда овқатланиш мумкин эмас. Бу мамлакат аҳолиси умумий Европа одоб-ахлоқ қоидаларига риоя қилишни афзал кўради. Улар ҳатто гамбургерларни ҳам вилка ва пичоқлар ёрдамида истеъмол қилишади.
Австралияда йўлакнинг ўнг томонида юришингиз керак. Йўлларнинг чап томони автомашиналар учун, чап томони эса пиёдалар ҳаракатланиши учун мўлжалланган.
Таиландда болаларни мақтаб бўлмайди. Бу ерда кичкина болаларни мақташ ёмон одоб ҳисобланади. Маҳаллий аҳоли болаларнинг фаровонлиги ҳақида жуда қайғурадилар. Бир эътиқод бор: агар сиз болани ортиқча мақтасангиз, унга ёмон нарса бўлиши мумкин.
Туркияда эркаклар шортик киймайди. Шарқий мамлакатларда анъаналар ва консерватив қарашларга кўра, ташқарида ҳаво қанчалик иссиқ бўлмасин, эркаклар шортик киймайдилар.
Шунингдек, Туркияда оёқларни чалиштириб ўтириш одобсизлик ҳисобланади.
Италия шимолидаги ресторанлар фақат тушлик (12.00-14.30) ва кечки овқат вақтида (19.00-23.00) очиқ бўлади. 14.30 дан кейин тушлик учун ресторанга борсангиз, кечки овқатни кутишингиз керак бўлади.
Бундан ташқари, Италияда 24 соат ишлайдиган супермаркетлар деярли йўқ. Бу ерда аҳоли шахсий ҳаётни ишдан кўра муҳимроқ деб ҳисоблашади. Сотувчи ва кассирлар ҳам бошқалар каби ўз вақтида уйига қайтиб, оиласи билан бирга овқатланади.
Португалияда одам ва нарсаларни қўл билан ишора қилиб кўрсатиб бўлмайди. Бу жуда қўпол ҳаракат ҳисобланади. Фақат дўконларда маҳсулотларни қўл билан кўрсатиш мумкин холос.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!