Microsoft корпорацияси Киевга ёрдам бермоқда. Бу ҳақда ТАСС агентлигига берган интервьюсида ташқи ишлар вазири ўринбосари Михаил Галузин айтиб ўтди.

“Microsoft нафақат Россияга қарши риторика, балки давлатимиз зарарига аниқ қадамлар қўйган компаниялардан бири, - деди у.

Сиёсатчининг таъкидлашича, уруш бошланганданоқ бу корпорация Киев режимини кибермудофаасини кучайтириш баҳонасида турли кўмак кўрсатмоқда, бундан ташқари, у мунтазам равишда Россияни Украина ресурсларига компьютер ҳужумларини уюштиришда айблаб келади.

Шу билан бирга, Галузиннинг сўзларига кўра, "ҳеч қандай далил тақдим этилмаган ва Россиянинг муҳим инфратузилмасига қарши тизимли киберсаботаж фактлари Microsoft'да атайин яширилган".

“Буларнинг барчаси яна бир бор Билл Гейтснинг компанияси ўз фаолиятини Америка Қўшма Штатларининг сиёсий кўрсатмаларига мувофиқ қураётганидан далолат беради”, дея хулоса қилган дипломат.

Маълумот учун, Украинада уруш бошланганидан сўнг, Microsoft ўз маҳсулот ва хизматларини Россияда сотишни тўхтатишга қарор қилган.

• Microsoft
• Украина