Ўзбекистонлик боксчи Муроджон Аҳмадалиев ва япониялик чарм қўлқоп устаси Наоя Иноуе ўртасида супер жанг бўлиб ўтади.
Наоя Иноуе ҳозирда 55 кг вазн тоифасида мутлақ жаҳон чемпиони бўлиб, WBC, WBА, WBО, IBF ва The Ring камарига эгалик қилади. У 4-май куни Лас Вегасда мексикалик Рамон Карденасга қарши рингга чиқади. Агар бу жангда ғалаба қозонса, Аҳмадалиев билан 14-сентябр куни Токиода жанг қилади.
“Ниҳоят битим тузилди — ўзбек “поwер” “Монстер”га қарши. Бу вазндаги энг кучли жанг бўлади!”, – деб ёзди Эдди Хирн ижтимоий тармоқдаги саҳифасида.
Аҳмадалиев олдин WBА ва IBF камарларини қўлга киритган, бироқ кейинчалик уларни филиппинлик Марлон Тапалесга бой берган. Иноуе эса айнан Тапалесни нокаутга учратиб, мутлақ чемпион бўлган.
Ушбу жанг нафақат чемпионликни, балки дивизиондаги энг кучли боксчи номини ҳам аниқлаб беради.

• Бокс
• Муроджон Аҳмадалиев