“Ўзбекистоннинг Озарбайжондаги элчихонаси ходимлари кўмагида Боку шаҳрида оғир вазиятга тушиб қолган ҳамюртимизнинг оиласи бағрига қайтиши таъминланди”, – деб хабар қилмоқда “Дунё” ахборот агентлиги.

Дипломатик миссия маълумотига кўра, Наманган вилоятида туғилган Х.М. Ўзбекистонга етиб олиши учун ёрдам сўраб мурожаат қилган.

Маълум бўлишича Х.М. 2 сентябрь куни вақтинча ишлаш мақсадида Озарбайжон ҳудуди орқали Грузияга бориш учун Боку шаҳрига келган. Бироқ, Грузия чегара хизмати ходимлари унга киришга рухсат бермаган ва у ортга қайтишга мажбур бўлган.

Мурожаат ўрнатилган тартибда ўрганилганидан сўнг унга ёрдам кўрсатилган. Х.М. учун Боку – Тошкент йўналишидаги самолётга авиачипта сотиб олиниб, 8 сентябрда Ўзбекистонга кузатиб қўйилган.

• Дунё
• Моддий ёрдам
• Озарбайжон
• хабар