«Ал-Ҳилол» ҳужумчиси Неймарнинг севгилиси Бруна Бянкарди ва уларнинг чақалоғини ўғирламоқчи бўлишди.

Маҳаллий нашрларнинг ёзишича, босқинчилар тунги соат 3 ларда Котия шаҳрида Бянкардининг онаси яшайдиган хонадонга бостириб кирган.

Улар умумий суммаси 120 минг доллар бўлган нарсаларни ўғирлаб кетишган. Бундан ташқари, уй бекасидан қизи Бянкарди ва унинг чақалоғи қаерда яшашини аниқлашга уринган.

“Бугун эрта тонгда уйимни талон-тарож қилишди ва ота-онамни гаровга олишди. Мен ва Мавия у ерда йўқ эдик. Худога шукур, ҳаммаси жойида”, деб ёзади Неймарнинг севгилиси.

Кейинроқ Неймар Бянкарди ва қизи Мавия соғ-саломат эканлиги ҳақида пост қўйди.

Ҳозирда полиция вакиллари 3 нафар босқинчилардан бирини ушлади. Аниқланишича, у 19 ёшли маҳаллий йигит бўлган.

• Braziliya
• Футбол
• Неймар