Италиянинг Турин шаҳрида бўлиб ўтган ATP Якуний турнири якунланди.

Турнир финалида сербиялик Новак Жокович ва норвегиялик Каспер Рууд чемпионлик учун кураш олиб борди.

1 соату 32 дақиқа давом этган беллашувда Новак рақибини 7/5, 6/3 ҳисобида мағлуб этиб, бош совринни қўлга киритди.

Бу натижа эвазига Жокович 6-бор ATP Якуний турнири чемпионига айланди ва бу борада Рожер Федерерга етиб олди.

Бундан ташқари, 35 ёшли сербиялик теннисчи турнир тарихидаги энг кекса чемпионга ҳам айланди. У Федерернинг рекордини 5 йилга янгилади.

Қайд этиш мумкин, мазкур турнирдаги ғалаба учун Жокович 1 500 рейтинг очкоси ва 4 740 300 доллар мукофот пулига эга бўлади.

• ATP
• Новак Жокович
• Теннис