АҚШнинг Маё клиникаси мутахассислари энергетик ичимликлар ичиш билан боғлиқ хавфларни ўрганиб чиқди, деб ёзади “Спортс.кз”.

 Тадқиқотда тўсатдан юрак тутилишига учраган 144 киши иштирок этган ва бу беморларнинг 7 нафари (5%) инсультдан бироз олдин энергетик ичимликлар истеъмол қилган.

Таҳлилда энергетик ичимликлар генетик юрак касаллиги билан оғриган беморларда тўсатдан юрак тутилиши билан боғлиқ, деб топилди. Муаллифларнинг фикрига кўра, маҳсулот таркибидаги кофеин ва бошқа огоҳлантирувчи моддалар юрак тезлиги ва қон босимини ўзгартиради.

Шифокорлар одамларни ўз соғлиғига эҳтиёт бўлишга ва энергетик ичимликлар истеъмолини чеклашга, айниқса юрак-қон томир касалликларига моил бўлганларга чақирмоқда.

• ichimliklar
• саломатлик