Айни кунларда юртимиз бўйлаб Олий таълим муассасаларига кириш имтиҳонлари бўлиб ўтмоқда. Бундан ташқари ўқишни кўчириш истагида бўлган талабалар ҳам бисёр. Улар орасида ўзининг қабул ва имтиҳон жараёнлари борасидаги оид саволига аниқ ечим ва жавоб топа олмаётганлар ҳам бор.

Бунинг натижасида ёшларда табиийки, кўплаб  саволлар туғилади. Шулардан бири ўқишни кўчириш борасидагилари анчагина. Таниқли ҳуқуқшунос ва блогер Хушнуд Худойбердиев ўзининг Телеграмдаги саҳифаси орқали “Ўқишни кўчириш учун пул тўланадими?” деган саволга:

“Бунда 2 хил қоида бор:

1.   Агар “ташқи перевод” бўлса, яъни хориждан ёки ўзимиздаги нодавлат олийгоҳлардан давлат олийгоҳига кўчириш учун ариза берилаётганда Билимларни баҳолаш агентлигига 187 минг 500 сўм миқдорида тўлов қилинади, чунки улар тестга киради;

2. Агар “ички перевод” бўлса, яъни бир давлат олийгоҳидан бошқа бир давлат олийгоҳига ёки бир олийгоҳ ичида ўқишни кўчирмоқчи бўлса, унда ҳеч қандай тўлов қилинмайди. Чунки улар тестга кирмайди.

Яна ҳам осон тушуниш учун:

my.uzbmb.uz сайти орқали ариза берилса, тўлов қилинади; transfer.edu.uz сайти орқали ариза юборилса, тўлов қилинмайди.

Чунки:

Нодавлатдан ва хориждан давлат ОТМга — my.uzbmb.uz орқали;

Давлатдан давлатга — transfer.edu.uz орқали ариза юборилади.

Яна бир масала, суперконтракт масаласи фақат “ташқи перевод”да бор, “ички перевод”да суперконтракт йўқ” – деб  фикр билдирди.

• Имтиҳон
• Imtiyoz
• Олий таълим
• Tavsiya