Туркия ОАВда 21 сентябрь куни Истанбул шаҳрида ўз уйида пичоқлаб ўлдирилган 36 ёшли Зулайҳо исмли Ўзбекистон фуқаросининг вафоти ҳақида маълумотлар тарқалди.

Ўзбекистоннинг Истанбулдаги Бош консулхонаси томонидан ҳолатга ойдинлик киритиш мақсадида амалга оширилган ишлар натижасида, ҳалок бўлган шахс Ўзбекистон фуқароси А.Х. эканлиги аниқланган.

Маълум бўлишича, у бир неча йил аввал Туркияда бўлиш қоидаларини бузгани учун депортация қилинган ва мамлакатга кириш тақиқланган. Кейинчалик исм-фамилиясини ўзгартирган ҳолда Туркияга борган.

Аниқланишича, А.Х. номаълум шахс томонидан пичоқлаб ўлдирилгани маълум бўлган. Жиноят бўйича маҳаллий ҳуқуқни муҳофаза қилувчи идоралар тергов ҳаракатларини олиб бормоқда.

Бош консулхона томонидан марҳумнинг оила аъзоларига жасадни Ўзбекистонга юбориш учун зарур консуллик-ҳуқуқий ёрдам кўрсатилмоқда.

• Истанбул
• Konsullik
• Ўзбекистонлик
• Pichoq
• Туркия