Ўзбекистон Республикаси Миллий статистика қўмитаси маълумотларига кўра, 2025 йилда Ўзбекистонда 879 599 та тирик туғилиш ҳолатлари қайд этилган. Ушбу кўрсаткич мамлакатда демографик ўсиш суръатлари барқарор давом этаётганини кўрсатади.

Статистик маълумотлар шуни кўрсатадики, Ўзбекистонда аёлларнинг асосий қисми 25–39 ёш оралиғида она бўлмоқда. Бу ёш тоифаси жами туғилишларнинг ярмидан кўпини ташкил этади. Мутахассислар фикрича, айнан шу давр аёллар учун ижтимоий, иқтисодий ва соғлиқ нуқтаи назаридан фарзанд кўриш учун нисбатан қулай ҳисобланади.

Шунингдек, 25 ёшгача бўлган аёллар орасида ҳам туғилишлар салмоқли улушни ташкил этмоқда. Бу кўрсаткич мамлакатда ёш оилалар сони юқори эканини кўрсатади.

40 ёш ва ундан катта аёллар орасида эса туғилишлар улуши анча кам бўлиб, умумий туғилишларнинг атиги 1,4 фоизини ташкил қилган.

Умуман олганда, статистик маълумотлар Ўзбекистондаги демографик жараёнларда 25–39 ёш оралиғи энг фаол репродуктив давр бўлиб қолаётганини кўрсатмоқда.

• Chaqaloq
• статистика
• туғилиш