Кеча Президент Шавкат Мирзиёев Озарбайжон Республикаси Президенти Илҳом Алиевнинг таклифига биноан мамлакатга етиб борган эди.

Янгича интеграция — Ўзбекистон туркий давлатлар ўртасидаги ҳамкорликни янги босқичга олиб чиқиш тарафдори. Самарқанд декларацияси ва “Туркий дунё нигоҳи – 2040” стратегияси доирасида умумий иқтисодий ва инфратузилмавий лойиҳаларга ўтиш белгилаб қўйилган.

Иқтисодиёт ва транспорт —Туркий инвестиция жамғармаси ва транспорт “йўл харитаси” ташкилотнинг амалий ривожига йўл очди. Ўзбекистон Транскаспий йўлак орқали минтақа давлатларини боғлаш ғоясини илгари сурмоқда.

Гуманитар соҳада яқинлашув — Ўзбекистон таълим, маданият, фан ва ёшлар сиёсати соҳаларидаги ҳамкорликни янада кучайтириш тарафдори. Бухорони Туркий ёшлар пойтахти сифатида эътироф этилиши бунга яққол мисолдир.

Тинчлик ва барқарорлик — Габала саммити минтақавий хавфсизликни таъминлашга қаратилган. Ўзаро боғлиқлик ва манфаатлар асосида барқарор тинчликни мустаҳкамлаш Ўзбекистоннинг асосий мақсадларидан бири ҳисобланади.

Лидерлик ва изчиллик — Ўзбекистон сўнгги йилларда Туркий интеграция жараёнида етакчи кучга айланди. Президент Мирзиёев иштирокидаги саммитлар аниқ ташаббус ва қарорлари билан ташкилот ривожига ҳисса қўшмоқда.

• Озарбайжон
• Шавкат Мирзиёев
• Ташриф