Ижтимоий тармоқларда Яккасарой тумани кўчаларида номаълум ҳайвон юргани ҳақида хабарлар пайдо бўлди. Мазкур ҳолат юзасидан Экология бошқармаси муносабат билдирди.

“Ишонч телефонлари орқали қилинган мурожаат Тошкент шаҳар Экология, атроф-муҳитни муҳофаза қилиш ва иқлим ўзгариши бошқармасининг Яккасарой тумани инспекторлари томонидан жойига чиқиб ўрганилганда, нотаниш ҳайвон Қизил китобга киритилган 1 дона Қорақулоқ эканлиги аниқланган”, - дейилади хабарда.

Шунингдек, ҳолат бўйича Тошкент ҳайвонот боғи мутахассислари билан ҳамкорликда ушбу ҳайвонни тутиш ишлари амалга оширилиб, Ҳайвонот боғига топширилган.

• Қизил китоб
• Тошкент