3 январь куни соат 04:30 атрофида Нукус шаҳрида муддатли ҳарбий хизматни ўтаётган 2005 йилда туғилган йигит одамларга ҳужум қилган.

Йигит маст ҳолатда эшиги очиқ турган хонадонга кириб, ухлаб ётган беш кишига пичоқ билан ташланган. Натижада бир киши ҳалок бўлган, қолганлари жароҳатланган.

Бош прокуратура матбуот хизмати раҳбари Ҳаёт Шамсутдиновнинг Хабардор.узъга маълум қилишича, мазкур ҳолат юзасидан Жиноят кодексининг 97-моддаси (Қасддан одам ўлдириш) 1-қисми ва 25, 97-моддаси (Қасддан одам ўлдиришга суиқасд қилиш) 2-қисми “а, л” бандлари билан жиноят иши қўзғатилган. Гумонланувчи шахс (2005 й.т.) процессуал тартибда ушланган.

Жабрланувчиларнинг 1 нафари вафот этган, 4 нафарига шифохонада зарур тиббий ёрдам кўрсатилмоқда.

Нукус ҳарбий прокуратураси томонидан тергов ҳаракатлари олиб борилмоқда.

• Нукус
• Қорақалпоғистон
• Қотиллик