1989 йилда туғилган Ўзбекистон фуқароси Атираю вилоятидаги Мияли қишлоғида чақмоқ уришидан вафот этган. Бу ҳақда Tengrinews.kz хабар берди.

Маълум қилинишича, ушбу воқеа 25 июнь куни кечқурун содир бўлган. Усенов кўчасидаги эгасиз уйга чақмоқ тушиши оқибатида ёнғин келиб чиққан. Маҳаллий ўт ўчириш бўлимининг учта ходими ёнғинни ўчирган.

Кейинчалик воқеа пайтида уйда бир киши бўлгани аниқланган. Айтишларича, чақмоқ вақтида у қурилаётган уйнинг ошхонасида бўлган.

Ҳолат юзасидан тергов давомида ўзбекистонлик фуқаро Қозоғистонга 2024 йил 28 майда кирганлиги ва вақтинчалик Мияли қишлоғи аҳолисининг уйида рўйхатдан ўтганлиги аниқланган.

Ҳозирда жасад суд-тиббиёт экспертизаси учун туман касалхонасининг ўликхонасига топширилган.

• Қозоғистон
• Яшин