Амур вилоятида гидрометаллургия заводининг шахтаси қулаб тушди. Бу ҳақда Россия Фавқулодда вазиятлар вазирлиги хабар берди. “Ҳодиса жойида Россия Фавқулодда вазиятлар вазирлигининг 25 нафар қутқарувчиси ва тўртта техникаси ишламоқда. Зея муниципал туманидаги ерости кони ўпирилган.

Дастлабки ҳисоб-китобларга кўра, вайроналар остида 13 киши бўлиши мумкин”, — дейилади хабарда. Улар корхона томонидан вентиляция қиялик бўйлаб қутқарувчилар гуруҳи юборилгани, кончилар билан алоқа тикланаётгани, йўл тозалаш ишлари олиб борилаётганини таъкидладилар.

Интерфакс ва 112 телеграм канали воқеа Зея туманидаги “Пионер” конида (олтин қазиб олувчи корхона эгаси “Петропавл” компаниялар гуруҳи) содир бўлганини хабар қилди. Дастлабки ҳисоб-китобларга кўра, кон остида қолган кончилар тирик.

• Россия
• vayronagarchilik