Жорий йилнинг 28 ноябрь куни соат 21:50 да Тойлоқ тумани “Беклар” маҳалласи ҳудудида яшовчи 1985 йилда туғилган фуқаро К.А. қўшни маҳаллада истиқомат қилувчи, ўзига олдиндан таниш бўлган 1990 йилда туғилган Ғ.Р. ва 1991 йилда туғилган Н.Р.лар билан ўрталарида юзага келган ўзаро келишмовчилик натижасида жанжал келиб чиққан.

Мазкур жанжалдан сўнг, К.А. ўзининг 2005 ва 2007 йилда туғилган фарзандлари билан Ғ.Р ва Н.Р. лар бошқарувида бўлган юк автомашиналарига бензин ёқилғиси сепиб, ёқиб юборган. Бу ҳақда Самарқанд вилояти ИИБ ахборот хизмати хабар берди.

Ёнғин зудлик билан бартараф этилиб, бошқа транспорт воситалари ва улардаги юкларга зарар етказилишининг олди олинган.

Мазкур ҳолат юзасидан 29 ноябрь куни Тойлоқ тумани ИИБ ҳузуридаги Тергов бўлинмаси томонидан Ўзбекистон Республикаси ЖКнинг 173-моддаси (Мулкни қасддан нобуд қилиш ёки унга зарар етказиш) 2-қисми билан жиноят иши қўзғатилиб, айбдор шахсларга нисбатан қамоққа олиш тарзидаги эҳтиёт чораси қўлланилган.

Ҳозирда дастлабки тергов ҳаракатлари олиб борилмоқда.

• ИИБ
• Самарқанд
• ёнғин
• yuk mashinasi