Рақамли технологиялар вазири Шерзод Шерматов Тошкентда бўлиб ўтган “Халқаро ҳамкорлик ташаббуслари ҳафталиги” доирасида Ўзбекистонда YouTube монетизацияси қачон олиб ташланишини ва ютуберлар инглиз тилида контент қилиши кераклигини айтиб ўтди.

“Менинг тавсиям — ЁуТубеъда кўпроқ четга ишлашга ҳаракат қилиш керак. Чунки монетизациянинг инглиз тилидаги контенти жуда катта. Масалан, Марғилонга борганимда Инҳа университетини битирган талабамизни кўриб қолгандим. У ўзининг YouTube каналида 3D принтерлар рендерини “обзор” қилиб беради. Бир каналига кириб кўринг, “реэлс”лари 30 миллион марталаб кўрилган. Чунки инглиз тилидаги аудитория жуда катта. Шунинг орқасидан ойига ўртача 5 минг доллар даромад топяпти. Сиз ўзбекча контент қилиб қанча даромад топа оласиз-у, инглизча контент тайёрлаб қанча даромад топасиз? Шунинг учун тайёр ишлаб турган монетизация механизмидан кўпроқ фойдаланиш керак”, — деган у. Вазир Ўзбекистонда монетизациядаги чеклов қачон олиб ташланиши YouTube компанияси билан боғлиқлигини, компания ўз режасига кўра ҳаракат қилишини билдирган. Ҳукумат вакили инглиз тили сингари талабгор тилларда кўпроқ контент қилиш кераклигини таъкидлади. “Менинг таклифим шу. Бизда қачон монетизация очилишини компаниядагиларнинг ўзи режа қилиб, ҳаракат қилади”, — деди Шерматов.

• Шерзод Шерматов
• Tavsiya
• YouTube
• monetizatsiya