37°
Кечаси 22°
Михаел Шумахер Формула 1да олтинчи жаҳон чемпионлигини қўлга киритган Феррари F2003-GA автомобили Sotheby's’да сотилди.
Савдо суммаси бундай автомобиллар учун рекорд ҳисобланади - 14,6 миллион швейцария франки ёки 14,8 миллион доллар.
2003-йилда Шумахер “Макларен”дан Кими Райкконен ва “Уилямс”дан Хуан Пабло Монтоя билан кечган оғир жангдан сўнг чемпионликни қўлга киритди: немис спортчи мавсумда олтита ғалабага эришди ва асосий рақибдан икки очко кўп жамғарган.
Кимошди савдосига қўйилган шасси 9 марта пойгаларда, шу жумладан ҳал қилувчи Япония Гран-присида ҳам фойдаланилган, натижада Майкл чемпионлик унвонини қўлга киритди ва Хуан Мануел Фанжионинг чемпионлик унвонлари сони бўйича рекордини ортда қолдирди.
Ф2003-ГА 9,3 миллион долларга сотилиши керак эди, аммо лот учун 40 дақиқалик таклифдан сўнг бу миқдор сезиларли даражада ошди.
Ф-1 автомобили сотуви бўйича аввалги рекорд 5 йил аввал, Феррари F2001 лоти Сотҳебйъсъда 7,5 миллион долларга тушганида ўрнатилган эди.
Дунёдаги энг қиммат автомобил 1955 йилда ишлаб чиқарилган Mercedes-Benz 300 SLR Uhlenhaut Coupe бўлиб қолмоқда, у атиги икки нусхада ишлаб чиқарилган – жорий йилнинг май ойида у 142 миллион долларга сотилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
