Бош прокуратура ҳузуридаги Департаментнинг Ангрен шаҳри бўлими ва ДХХнинг Тошкент вилояти бошқармаси ходимлари ҳамкорлигида ўтказилган тезкор тадбирда “М.О.” МЧЖ фармацевти Ф.Қ. фуқаро Д.А.га хорижда ишлаб чиқарилган мувофиқлик сертификати бўлмаган 300 дона “Албурекс 100 мл” номли дори воситасини 31 400 АҚШ доллари ва 52 млн сўмга сотган вақтида ашёвий далиллар билан ушланган.

Мазкур ҳолат юзасидан Жиноят кодексининг 186-3-моддаси(сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш, дори воситаларини ёки тиббий буюмларни дорихоналардан ва уларнинг филиалларидан ташқарида реализация қилиш) билан жиноят иши қўзғатилиб, тергов ҳаракатлари ўтказилмоқда.

• ДХХ
• Departament
• Dori
• Yalpi ichki mahsulot