Бир муддат аввал ижтимоий тармоқларда “хонадонда ноқонуний шер боласи сақланаётгани маълум бўлди” сарлавҳали мақола тарқалган ва унда 2004 йилда туғилган фуқаро Ш.А. Африка шерининг боласини ўз хонадонида ноқонуний сақлаб келаётганлиги боис олиб қўйилган ҳамда махсус питомникка жойлаштирилгани ҳақида хабарлар тарқалган эди.

Маълум бўлишича, ушбу шер боласи мутасаддилар эътиборига ноқонуний сақланаётгани учун эмас, балки Тошкент тумани Ҳасанбой ҳудуди, "Баҳор" МФЙ Наврўз кўчасида 3 ёшли болага, боланинг оила аъзоларига ҳамла қилгани учун олиб қўйилган.

Гап шундаки, 7 апрель куни соат 17:30 лар атрофида она вабола сут олишга дўконга чиқаётганида шер боласи уларга ҳамла қилиб ташланган.

Онанинг гувоҳлик беришича, шер орқа томондан келиб боланинг бошидан тишлаган ва орқага тортиб кетган. Она ўз вақтида шерга ташланиб уни босиб олган ва боласидан ажратишга эришган. Аммо боланинг бош қисмига шернинг тишларидан етган жароҳатлар қолган.

Ҳозирда болакай Тошкент шаҳридаги Мирзо Улуғбек тумани 2-сон Болалар жарроҳлик клиникасида даволаняпти.

Шифокор айни пайтда хавф ортда қолгани ва боланинг аҳволи яхши эканини билдирмоқда.

• Экология
• Ҳайвон
• Шер