Жиззах вилояти ИИБ томонидан ўтказилган тезкор тадбирда Telegram мессенжерида вояга етмаганлар иштирокидаги ахлоқсиз ва порнографик мазмундаги материалларни тарқатган шахс аниқланди. Бу ҳақда Киберхавфсизлик маркази хабар қилди.

У ўзининг 442 нафар обуначиси бўлган канали орқали 403 турдаги болалар порнографик материалларини тарқатган.

“Қизиқиш юзасидан шунга ўхшаш Telegram каналга қўшилганимдан сўнг, ўзим ҳам катталар ва вояга етмаганлар иштирокидаги турли хил порнографик видеолар мавжуд бўлган канал яратишга қарор қилдим. Қилган ишимдан афсусдаман”, — дейди гумонланувчи.

Қўлга олинган иккинчи шахс Тошкент вилоятида яшовчи 21 ёшли йигит Telegram мессенжерида қизлар номидан 6 та канал очиб, у ерга жами 3750 та порнографик материал жойлаштирган. Маълум бўлишича, у бошқа ижтимоий тармоқларда 837 нафар шахсга вояга етмаганлар иштирокидаги порнографик маҳсулотларни сотиб, 29,2 млн сўм даромад олган.

Мазкур ҳолатлар юзасидан Жиноят кодексининг 130-моддаси 3-қисми (Порнографик маҳсулотларни тайёрлаш, олиб кириш, тарқатиш, реклама қилиш, намойиш этиш) билан жиноят ишлари қўзғатилиб, гумонланувчиларга нисбатан қамоққа олиш тарзидаги эҳтиёт чораси қўлланилган.

• Болалар
• Жиззах
• Порнография