6-октабр куни Ўзбекистон бўйлаб ўзгарувчан об-ҳаво кузатилади. Республика ҳудудларида ёғингарчилик кутилмайди. Кундузи ҳаво ҳарорати +15…+25°C, кечаси эса +2…+13°C атрофида бўлади.

Энг илиқ об-ҳаво Қашқадарё ва Сурхондарё вилоятларида кузатилади. Ушбу ҳудудларда кундузи ҳарорат +20…+25°C, кечаси +8…+13°C бўлиши кутилмоқда.

Республика бўйича шамол шарқдан 7–12 м/с тезликда эсади.

Тоғли ҳудудларда ҳам ўзгарувчан об-ҳаво кузатилади, ёғингарчилик кутилмайди. Бу ҳудудларда кечаси +0…+5°C, кундузи +10…+15°C бўлиши прогноз қилинган.

Шунингдек, 5-октабр куни республиканинг тоғолди ва тоғли ҳудудларида сел-сув тошқин ҳодисалари юзага келиши мумкинлиги маълум қилинган. Батафсил маълумот — Ўзгидромет