Бугун, 4 май куни соат 15:50 да Тошкент вилояти, Тошкент тумани, “Ифтихор” МФЙ, Бинокорлар кўчасида жойлашган ишлаб чиқариш корхоналарининг бирида ёнғин содир бўлаётганлиги тўғрисида 112 тизими орқали ФВБга хабар келиб тушган.

Шунга кўра ёнғин-қутқарув экипажлари соат 15:57 да ҳодиса жойига етиб бориб, ёнғин соат 16:22 да қуршаб олинган ва 16:33 да бартараф этилган. Ёнғинда корхонанинг 90 квадрат метр майдонида том қисми ва девор қопламаси ёнган. Ёнғинни бартараф этишга 4 та асосий турдаги ва 1 та қўшимча техника жалб этилган.

Ҳодиса оқибатида тан-жароҳати олганлар тўғрисида маълумот келиб тушмаган.

• ФВБ
• Тошкент
• korxona
• ёнғин