Daily Sabah нашрининг хабар беришича, ҳалокатдан сал аввалроқ генерал Муҳаммад Али ал-Ҳаддад учиб кетаётган Falcon 50 самолёти Анқара яқинидаги Ҳаймана ҳудудида фавқулодда қўнишга рухсат сўраган. Самолётда Ал-Ҳаддаддан ташқари яна тўрт киши бўлган.

Маълумотларга кўра, генерал Ал-Ҳаддад Анқарадан Триполига учиб кетаётган эди. У Анқарада Туркия мудофаа вазири Яшар Гюлер билан учрашув ўтказган, шунингдек, Туркия Бош штаби бошлиғи генерал Селчук Байрактар билан музокараларда иштирок этган.

“Биз Ливия армияси Бош штаби бошлиғи генерал Муҳаммад Али ал-Ҳаддад ва у билан бирга бўлган ливиялик расмийлар Анқарадан қайтаётганида самолёт ҳалокати натижасида қурбон бўлишгани ҳақидаги хабарни олдик”, — дея ҳодисага изоҳ берган Ливия бош вазири Абдул Ҳамид ал-Дбейба.

• Авиаҳалокат
• Ливия
• Туркия