Германиянинг Volkswagen AG (VW) автоконсернининг Хитой бўлими – Volkswagen Group China – Хитойнинг икки компанияси билан электромобиллар аккумуляторларини ишлаб чиқаришда қўлланиладиган металларни қазиб олиш учун қўшма корхоналар ташкил этиш бўйича шартномалар имзолади. Бу ҳақида “Reuters” ахборот агентлиги хабар бермоқда. 

Қайд этилишича, Huayou Cobalt ва Tsingshan Group билан қўшма корхоналар никел ва кобалт ишлаб чиқаришни ўз зиммасига олади, дейди Volkswagen вакили. Шунингдек, ҚК Хитой ва Индонезияда рўйхатдан ўтказилади.

Янги лойиҳалар автомобил ишлаб чиқарувчисига харажатларни оптималлаштириш ва электромобиллар ишлаб чиқариш учун хомашёни барқарор етказиб бериш занжирларини таъминлаш имконини беради. Компания кўрилаётган чора-тадбирлар уларни ишлаб чиқаришдаги харажатларни 30-50 фоизга қисқартиришини кутмоқда.

Таъкидланишича, охирги 12 ой ичида Volkswagen капиталлашуви 22 фоизга камайган.

• Автомобил
• Германия
• Volkswagen
• Хитой