Ўзбекистон дипломатлари кўмагида Хорватияда оғир касалликка чалинган юртдошимиз бугун оиласи бағрига қайтарилди. Мамлакатимиз элчихонаси (қароргоҳи Будапешт шаҳрида жойлашган) маълумотига кўра, ватандошимиз В.Ж. 2022 йилда Хорватияга вақтинча ишлаш мақсадида келган. 2025 йил 18 апрель куни унинг саломатлиги кескин ёмонлашиб, Риэка шаҳридаги клиник касалхона марказининг реанимация бўлимига инсульт ташхиси билан ётқизилган. Ўтган вақт давомида унга зарур жарроҳлик амалиётлари ўтказилди.

Хорижий ҳамкорлар билан олиб борилган музокаралар натижасида ва Ўзбекистоннинг ваколатли органлари кўмагида В.Ж. дастлаб шифокорлар назорати ҳамда тиббий талабларга риоя қилинган ҳолда Германияга етказилди. Шундан сўнг, Мюнхен–Тошкент йўналиши бўйича авиарейсда реаниматолог ҳамроҳлигида Ўзбекистонга қайтарилди.

Таъкидлаш жоизки, хориждаги ватандошларимизнинг ҳуқуқ ва манфаатларини ҳимоя қилиш Ўзбекистон ташқи сиёсатининг асосий устувор йўналишларидан бири ҳисобланади ва бу йўналишдаги ишлар изчил давом этмоқда.

• Авиақатнов
• Ҳуқуқ
• Tashqi ishlar vazirligi
• Хорватия