БМТнинг миграция агентлиги маълумотларига кўра, Яман соҳиллари яқинида якшанба куни қайиқ ағдарилиб кетиши натижасида 68 нафар африкалик муҳожир ҳалок бўлган ва яна 74 киши бедарак йўқолганлиги билдирилди.

“Бортида 154 нафар эфиопиялик муҳожир бўлган кема Яманнинг жанубидаги Абян провинцияси яқинидаги Адан кўрфазида якшанба куни тонгда чўкиб кетган”, – деди Халқаро миграция ташкилотининг Ямандаги раҳбари.

Унинг сўзларига кўра, 54 нафар муҳожирнинг жасади Ханфар туманида қирғоққа ювилган, яна 14 нафари эса ўлик ҳолда топилиб, Абян вилоятининг Зинжибар шаҳрида жойлашган касалхона моргига ҳалок бўлганлар жасадлари олиб келинган.

Кема ҳалокатидан фақат 12 нафар муҳожир омон қолган, қолганлари эса бедарак йўқолган ва ўлган деб тахмин қилинмоқда.

Абян хавфсизлик бошқармаси берган баёнотида, кенг кўламли қидирув-қутқарув операцияси ўтказилган.

Таъкидланишича, кўплаб жасадлар қирғоқнинг кенг ҳудудига сочилган ҳолда топилган.

• Halokat
• Kema
• Яман