Украина Президенти Владимир Зеленский собиқ матбуот котиби Юлия Мендел ва яна тўққиз кишига нисбатан санкциялар жорий этди. Улар Россия пропагандасини тарқатиш ҳамда Москванинг Украинага қарши сиёсатини қўллаб-қувватлашда айбланган.

Тегишли фармон Зеленский томонидан 13-сентабр куни имзоланган.

Санкциялар 10 йил муддатга жорий этилган бўлиб, активларни музлатиш ва савдо операцияларига чекловлар қўйишни назарда тутади.

Юлия Мендел 2019–2021 йилларда Зеленскийнинг матбуот котиби сифатида фаолият юритган. Кейинчалик у Президент маъмуриятида ишлаган.

Мендел Фаcебоокъдаги баёнотида Украина фуқароларига нисбатан санкция жорий этилиши конституцияга зид эканини таъкидлади. Унинг сўзларига кўра, у бундай чоралар қўлланишини кутган. Собиқ матбуот котиби Зеленскийни Украинада тинчлик тарафдори бўлган шахсларга қарши чоралар кўришда айблади.

Мендел сўнгги йилларда Зеленский фаолиятини, жумладан, Президентнинг яқин доирасидаги айрим шахслар билан боғлиқ коррупция можароларини танқид қилиб келган. Мазкур можароларда тилга олинган шахслар эса ўзларига қўйилган айбловларни рад этган.

Украина Президенти девони маълумотига кўра, янги санкциялар жами 10 нафар Россия ва Украина фуқаросига нисбатан жорий этилган. Расмийлар уларни дезинформация ва Россия пропагандасини тарқатиш ҳамда Россиянинг Украинага нисбатан агрессив сиёсатини қўллаб-қувватлашда айблаган.

Аввал ҳам Украинада собиқ юқори мартабали сиёсатчиларга нисбатан санкциялар қўлланган. Хусусан, 2025 йилда собиқ президент ва мухолифат сиёсатчиси Пётр Порошенкога миллий хавфсизлик нуқтаи назаридан активларни музлатиш ва ка