Shveysariyada o‘tkazilayotgan referendum mamlakat siyosiy hayotida katta muhokamaga sabab bo‘lmoqda. Taklifga ko‘ra, mamlakat aholisi sonini 10 million kishi bilan cheklash masalasi ovozga qo‘yilgan. Tashabbus tarafdorlari bu qarorni asosan ekologik va infratuzilma bosimi bilan izohlashmoqda. Ularning fikricha, aholi sonining tez o‘sishi transport tizimi, uy-joy bozori va tabiiy resurslarga yukni oshirmoqda.

Biroq qarshi tomon bu tashabbusni iqtisodiy xavf sifatida ko‘rmoqda. Shveysariya iqtisodiyoti kuchli xizmatlar sohasi va yuqori malakali migrant ishchi kuchiga tayanadi. Aholi sonini cheklash esa mehnat bozorida yetishmovchilik va iqtisodiy sekinlashuvga olib kelishi mumkinligi aytilmoqda.Tahlilchilar bu jarayonni Yevropadagi kengroq tendensiyaning bir qismi sifatida ko‘rishmoqda. 

So‘nggi yillarda migratsiya, demografik bosim va resurslardan foydalanish masalalari ko‘plab davlatlarda siyosiy muhokamalarning markaziga chiqmoqda.Natijada Shveysariyadagi referendum faqat ichki siyosiy qaror emas, balki Yevropada migratsiya va demografiya siyosati qanday yo‘nalishda o‘zgarayotganining muhim ko‘rsatkichi bo‘lib xizmat qilmoqda.