Ijtimoiy tarmoqlarda Korrupsiyaga qarshi kurashish agentligi direktori Akmal Burhonov nomi bilan bog‘liq ravishda mobil ilova dasturi orqali mablag‘ qo‘lga kiritish mumkinligi haqida yolg‘on ma’lumotlar tarqatilmoqda. Bu haqda agentlik matbuot xizmati ma’lum qildi.

Unga ko‘ra, Akmal Burhonov tomonidan O‘zbekiston fuqarolari mobil ilovada 1 million so‘m olishi va o‘z kartasiga o‘tkazishi mumkinligini ma’lum qilingan.

Qayd etilishicha, mazkur xabarlar haqiqatga mutlaqo zid va fuqarolardan bu kabi feyk ma’lumotlarga ishonmaslik, firibgarlardan ogoh bo‘lish so‘ralgan.

“Asossiz va yolg‘on axborotni tarqatganlik uchun qonunchiligimizda ma’muriy va jinoiy javobgarlik normalari belgilangan”, – deyiladi xabarda.

• Aksilkorrupsiya
• Firibgarlik