“Apple”, avvalroq va’da qilinganidek, “Windows 11” uchun “Apple TV” va “Apple Music” ilovalarini chiqardi. Ko‘rib chiqish versiyalari allaqachon bepul yuklab olish uchun “Microsoft” do‘konida mavjud.

Ilovalar “macOS” (“Apple” kompaniyasining xususiy operasion tizimi) uchun mavjud versiyalarga o‘xshaydi, lekin “Windows” uslubi va boshqaruvi uchun biroz o‘zgartirilgan.

“Apple TV” ilovasi “Smart TV” kabi ishlaydi, bu foydalanuvchilarga “Apple TV+” va “Apple TV” kanallari, shuningdek “iTunes” do‘konidagi filmlar va teleshoularni tomosha qilish imkonini beradi.

“Apple Music” ilovasi “macOS” versiyasidan nusxa oladi, biroq unda hozircha “lyrics demo” funksiyasi mavjud emas.

Ular bilan birgalikda “Windows” do‘konida “Apple Devices” ilovasi paydo bo‘ldi, bu foydalanuvchilarga “Apple” qurilmalarini “Windows” shaxsiy kompyuteri yordamida boshqarish imkonini beradi. Ilova sinxronlash va zaxiralash uchun “iTunes” o‘rnini bosadi, shuningdek, “iTunes”dan foydalanmasdan proshivkani tiklash imkonini beradi.

Uchta yangi ilova ham “Windows 11” yoki undan keyingi versiyani talab qiladi. “Apple” rasmiylarining ta’kidlashicha, ulardan birortasini o‘rnatish “iTunes”ning shaxsiy kompyuterda ochilishiga to‘sqinlik qiladi. Foydalanuvchilar xizmatdan foydalanishni davom ettirish uchun ilovalarni o‘chirib tashlashlari kerak bo‘ladi.

• Apple
• Windows
• iOS