Kecha, 1-dekabr kuni Belgiya terma jamoasi Qatarda davom etayotgan JChni sensatsion tarzda tark etdi. Belgiya terma jamoasi guruhda 3-o‘rinni egalladi.

Belgiya termasi darvozaboni Tibo Kurtua mazkur muvaffaqiyatsizlikdan so‘ng o‘z fikrini bildirib o‘tdi.

“Hafsalam pir bo‘ldi. Biz g‘alaba uchun hamma narsa qildik. To‘pimiz ikki marta ustunga tekkanda omad bizda emas edi.

2018-yil biz yarim finalgacha chiqdik. Yutqazdik ammo uchinchi o‘rin yaxshi natija. Ammo, biz hech narsa yutmagan bo‘lsak, bizni oltin avlod deb atash to‘g‘ri emas deb o‘ylayman. Bizda juda iste’dodli futbolvhilar bor edi va biz buni har bir o‘zimiz qatnashgan turnirda namoyish etdik. Biroq, sport bu nafaqat iste’dod, balki g‘alaba qozonish hamdir”, deydi Tibo Kurtua.

Qo‘shimcha sifatida, Belgiya termasining aksar asosiy yetakchilari 30 yoshdan oshgan hamda katta ehtimol bilan kamida yarim tarkib shu kabi yirik musobaqalar paytida o‘yin sifati ancha pasaygan bo‘ladi.   

• Belgiya
• Jahon chempionati
• Kurtua