Bodom suti yoqimli yong‘oq va kremli ta’m hamda boy tarkibga ega. U juda mashhur bo‘lib, tarkibida barcha o‘simlik suti o‘rnini bosuvchi moddalar borligi sababli sigir sutiga juda o‘xshaydi. 

Bodom suti o‘rta asrlardan beri tayyorlab kelinadi va u sigir suti o‘rnini bosuvchi vosita sifatida qo‘llanilgan. Oshpazlar ham bu mahsulotni qadrlashadi: u hayvon sutlariga qaraganda uzoqroq saqlanadi. Bodom suti yog‘siz mahsulot hisoblanadi, bu uning mashhurligini oshirishga yordam bergan. 

Bodom sutining asosiy xususiyati bu – laktoza yo‘qligi. Laktoza sut tarkibidagi shakar bo‘lib, u hamma odamlar tomonidan hazm qilinmaydi. Laktoza intoleransiyasidan (laktoza bor mahsulotni iste’mol qilganidan keyin paydo bo‘ladigan buzilish) aziyat chekadiganlar sog‘lom muqobilni izlashga majbur. Ko‘pincha ular yoqimli ta’mga va ozgina shirinlikka ega bo‘lgan bodom sutini tanlaydilar. 

Bodom sutida xolesterin yo‘qligi va kaloriya miqdori past (1 stakanda 39 kkal) ekanligi uning yana bir foydali xususiyatlaridandir. Sutning parhez xususiyatlari uning ta’miga hech qanday ta’sir qilmaydi. Biroq bodom sutining kamchiliklaridan biri, yong‘oqlarga allergiyasi bo‘lgan odamlar uchun xavflidir. Bodom ichimligida uy hayvonlari sutida mavjud bo‘lgan ozuqa moddalari yo‘q. Unda protein va D vitamini butunlay yo‘q. Oziq moddalar do‘konlardagi bodom sutiga qo‘shiladi, lekin ular bilan birga ishlab chiqaruvchilar ko‘pincha shakar ham qo‘shadilar. Qadoqlangan bodom suti muzlatgichsiz ham, paketi ochilgunga qadar uzoq vaqt saqlanadi. Agar siz uyda bodom sutini tayyorlasangiz, barcha sifatlar 4-5 kun davomida saqlanadi (muzlatgichda). 

Mutaxassislarning ta’kidlashicha, ichimlik inson organizmida eng ko‘p uchraydigan to‘rtta elementdan biri bo‘lgan magniy manbasiga aylanadi. Uning ishtirokida 300 ga yaqin fermentativ reaksiyalar sodir bo‘ladi. Magniysiz qon shakar darajasini tabiiy tartibga solish va energiyani assimilyasiya qilish jarayonini ta’minlashi mumkin emas. Bodom sutining yana bir muhim komponenti E vitamini (tokoferol). Bu miyaning normal ishlashi uchun zarurdir. E vitamini bo‘lgan oziq-ovqatlarni muntazam iste’mol qilish nafaqat Alsgeymer kasalligini rivojlanish xavfini kamaytirishi mumkin, balki keyingi bosqichlarda ham uning kechishini sekinlashtiradi. 

Tokoferol yurak-qon tomir kasalliklaridan himoya qiladi va insult xavfini kamaytiradi. Bodom sutini iste’mol qiladigan odamlar antioksidantlar va boshqa foydali moddalarga ega bo‘ladi. Ular qarish jarayonini tezlashtiradigan va ba’zi hollarda saraton rivojlanishiga olib kelishi mumkin bo‘lgan erkin radikallar tomonidan hujayralarga yetkazilgan zararni kamaytiradi. Bodom suti sigir sutiga qaraganda kamroq miqdorda kalsiyni o‘z ichiga oladi, ammo suyaklarni mustahkamlash, osteoporoz rivojlanish xavfini kamaytirish uchun yetarli. 

Bodom sutini qanday tayyorlaymiz?

Bodom suti Yevropa oshxonasiga mansub bo‘lib, uni uyda tayyorlash juda oson. Bodom sutini tayyorlash uchun bizga quyidagi ingrediyentlar kerak bo‘ladi: 180 g butun bodom; 1,2 l sovuq suv; 0,25 osh qoshiq tuz. Sutni tayyorlash jarayoni 20 daqiqa davom etadi. Tozalangan butun bodomni idishga soling. Ularni 350 ml toza sovuq suv bilan to‘ldiring. Xona haroratida kamida 4 soat qoldiring. Iloji bo‘lsa, bodom bir kecha mobaynida suvda turgani yaxshi. Keyin suvni to‘kib tashlang va yaxshilab yuving. Blenderga soling va 850 ml sovuq suv qo‘shing (filtrlangan yoki qaynatilgan). Bodomlar to‘liq maydalanib, oppoq sut holiga kelgunicha blenderda yaxshilab aralashtiring. So‘ngra boshqa idishning ustini ikki qavatli oq doka bilan yopib, massani quying. Suyuqlik yong‘oq massasidan to‘liq oqmaguncha qoldiring. Vanihoyat, bodom sutimiz tayyor. 

Parhezshunos Brittani Mullins sut tayyorlashda tuz o‘rniga bir tomchi vanil ekstrakti yoki bir nechta xurmo qo‘shishni tavsiya qiladi. Oshpaz Aysegul Sanford sut ekstraktidan keyin qolgan massani tashlamaslikni maslahat beradi. Bu qimmatli tarkibiy qism va sifatli bodom unini tayyorlash oson. Undan mazali va foydali kekslar, non, pechene va boshqa pishiriqlar tayyorlasa ham bo‘ladi.

• Bodom
• Meva
• Sut