“Dunyodagi eng xunuk it 2023” ko‘rik-tanlovi g‘olibi bo‘lgan it Gollivudning mashhur yulduzlari Rayan Reynolds va Xyu Jekman bilan bir kinoda suratga tushdi. Bu haqda “Super” nashri xabar berdi.

Ma’lum qilinishicha, 2023-yilda “Eng xunuk it” nominatsiyasida Peggi ismli it g‘olib chiqdi. Shundan keyin u Britaniyada mashhur bo‘lib ketgan. Peggi Gollivuddagilar e’tiboriga ham tushib, yilning eng kassabop filmida suratga tushgan.

“Dedpul va Rosomaxa” filmida u bosh qahramonning iti – Dogpul rolini ijro etgan.

Peggining egasi jurnalistlarga uy hayvonining shon-shuhratidan faxrlanayotganini bildirgan.

“Menga yoqdi. Film davomida Peggi o‘zini juda erkin tutdi, balki Rayan Reynoldsning quchog‘ida o‘zini qulay his qilgandir. Ular mening kuchugimga juda yaxshi munosabatda bo‘ldi. Men har soniyadan zavqlanardim”, – deydi u.

• film
• gollivud