Turkiyaning harbiy dronlar ishlab chiqaruvchisi “Baykar Makina”ning bosh direktori Haluk Bayraktar, kompaniya hech qachon Rossiyaga o‘zining harbiy-jangovar uchuvchisiz samoliyotlarini sotmasligini aytdi. Bu haqda u CNN telekanaliga bergan interviyusida ta’kidlagan.

“Biz ularga (Rossiyaga. tahr.) hech narsa yetkazib berganimiz yo‘q . Biz buni hech qachon qilmaymiz”, – deb javob berdi Bayraktar CNN telekanali boshlovchisining Rossiyani dron bilan ta’minlash imkoniyatini ko‘rib chiqyaptimi, degan savoliga.

Uning ta’kidlashicha, kompaniya “Ukrainani qo‘llab-quvvatlaydi”.

Ma’lumot uchun, Ukraina uchuvchisiz samolyotlar sotib olish rejasini e’lon qilgandi. Mamlakatga 12 dona Bayraktar TB2 yetkazib berilgan.

Shuningdek, Ukrainada Bayraktar zarba beruvchi uchuvchisiz uchoqlarni ishlab chiqaruvchi zavod qurish loyihasi ustida ish olib borilayotgani haqida aytilgandi.

• Bayraktar
• Rossiya
• Ukraina