Isroil 9 oylik urush davomida katta yo‘qotishlarga uchradi. 2023-yilning oktyabr oyidan dekabrigacha deyarli yarim million isroillik yahudiy davlatini tark etdi.

Rasmiy ma’lumotlarga ko‘ra, 2023-yil 7-oktyabrda boshlangan G‘azo mojarosidan buyon kamida 683 nafar isroillik askar halok bo‘lgan va 4100 dan ortig‘i yaralangan.

Shuningdek, Isroil yalpi ichki mahsuloti 2023-yilning oktyabr oyidan dekabrigacha deyarli 20 foizga qisqardi. Taxminan 46 000 Isroil korxonasi yopilgan. 2024-yil oxirigacha Isroilning yana 60 ming korxonasi yopilishi kutilmoqda.

2023-yilning oxirgi choragida Isroildan tovar va xizmatlar eksporti 18 foizga qisqardi. Yil davomida eksport 2,2 foizga kamaydi.

Joriy yilning birinchi choragida eksport hajmi o‘tgan chorakka nisbatan 5,5 foizga, o‘tgan yilning shu davriga nisbatan esa 26 foizga kamaydi. 2024-yil yakunida Isroil byudjetining taqchilligi YaIMning 6,6 foizini, qarz esa YaIMning 67 foizini tashkil qilishi kutilmoqda.

Bundan tashqari, Isroilda turizm sanoati ham to‘xtab qoldi. Kelgan sayyohlar soni 76 foizga kamaydi. Isroilning urushdan oldingi eng gavjum porti bo‘lgan Eylat porti Yaman husiylarining Qizil dengizdagi hujumlari natijasida tijorat faoliyati yo‘qligi sababli bankrot deb e’lon qilindi.

Iqtisodchilar Isroilda chuqur iqtisodiy inqiroz kuzatilishi haqida ogohlantirishmoqda va ba’zi xalqaro kredit reyting kompaniyalari allaqachon mamlakat reytingini va iqtisodiy o‘sish prognozini pasayganini ta’kidlashgan.

• Falastin
• Isroil
• Urush