Indoneziya 28-apreldan boshlab palma yog‘ini eksport qilishni taqiqladi va shu tariqa ushbu mahsulotning dunyodagi eng yirik ishlab chiqaruvchisi jahon o‘simlik moyi bozorining beqarorlashishiga o‘z hissasini qo‘shdi. Bunday cheklovlarning kiritilishiga mamlakat ichki bozorida mahsulot tanqisligi sabab bo‘lgan. 

“Oʻsimlik yogʻi eksportini vaqtinchalik taqiqlash hukumatning jamiyatga ustuvor ahamiyat berish haqidagi qatʼiy majburiyatidir. Har bir qoidabuzarlik qattiq bostiriladi”, deydi Airlangga Xartarto.

Xususan, respublika prezidenti Joko Vidodoning so‘zlariga ko‘ra, mamalakat fuqarolarni isteʼmol qilinadigan oʻsimlik yogʻi bilan yetarli va arzon taʼminlash zarur. “28-apreldan boshlab hukumat xomashyo va palma yog‘ini eksport qilishni taqiqlaydi, cheklovlar olib tashlanishi keyinroq e’lon qilinadi”, – deydi davlat rahbari.

Ma’lumot uchun, Indoneziya dunyodagi eng yirik palma yog‘i ishlab chiqaruvchisi va eksportchisi hisoblanadi. 

• Eksport
• Indoneziya
• Yog‘
• taqiq