Turkiya Prezidenti Rajab Toyyib Erdo‘g‘an Anqarada o‘tgan NATOning 36-sammiti yakunida alyans yetakchilariga ularning ismi o‘yib yozilgan maxsus ishlab chiqarilgan to‘pponcha va bir quti o‘q-dorini sovg‘a qildi. Bu haqda Haber7 xabar berdi. Ma’lum qilinishicha, bunday sovg‘alar Yevropa komissiyasi raisi Ursula fon der Lyayen, Yevropa kengashi prezidenti Antoniu Koshta hamda qator Yevropa davlatlari rahbarlariga topshirilgan.

Biroq Antoniu Koshtaga berilgan to‘pponcha xavfsizlik xizmati tomonidan tekshirish uchun olib qo‘yilgan. Yevropalik rasmiylarga ko‘ra, ushbu qurol Belgiyada amal qiladigan qat’iy qurol qonunchiligi talablariga mos kelmaydi. Shu sababli Koshta va Ursula fon der Lyayen uni shaxsan saqlashi kutilmayapti. Buyuk Britaniya Bosh vaziri Kir Starmer esa mamlakatdagi qurol importi bo‘yicha qonunchilik sabab sovg‘a qilingan to‘pponchani o‘zi bilan olib ketmagan.

Qurol zarur tartib-taomillar bajarilgunga qadar Buyuk Britaniyaning Anqaradagi elchixonasida saqlanadi. Shuningdek, Turkiya tomoni yetakchilarga sovg‘a qilingan qurollarni o‘z mamlakatlariga olib chiqish uchun zarur eksport hujjatlarini ham taqdim etgan.