O‘zbekiston Markaziy banki asosiy stavkasini ko‘rib chiqish bo‘yicha 24-iyulga belgilangan boshqaruv yig‘ilishi sanasini ko‘chirish to‘g‘risida qaror qabul qildi.

Qaror birinchi yarim yillik bo‘yicha global makroiqtisodiy ko‘rsatkichlar va savdo hamkorlar iqtisodiyoti bo‘yicha ma’lumotlar iyulning oxirida e’lon qilinishi hamda ishlab chiqilayotgan makroiqtisodiy tahlil va prognozlarda bu yangilangan ko‘rsatkichlar asos bo‘lishini inobatga olib qabul qilingan.

Qoldirilgan yig‘ilish sanasi bo‘yicha alohida ma’lumot berilishi aytib o‘tilgan.

Ma’lumot uchun, so‘nggi (12-iyun kuni) yig‘ilishda Markaziy bank asosiy stavkani yillik 14 foiz darajasida o‘zgarishsiz qoldirgan edi.

• Asosiy stavka
• Markaziy bank