Musiqa insonning ruhiy holatini yaxshilab, uning sog‘ligini mustahkamlashi isbotlangan. Bundan tashqari, musiqa bizning IQ darajamizni oshirishi hamda ongimizning o‘tkirroq bo‘lishiga ham yordam beradi.

Ushbu maqolada nima uchun ko‘proq musiqa tinglash kerakligi haqida 8 ta ilmiy dalil keltiriladi.

Musiqa sizni yanada baxtli qiladi. O‘tkazilgan tadqiqot natijalariga ko‘ra, musiqa tinglash inson miyasida baxt gormonlari — dofamin ishlab chiqarilishini oshiradi.

Yugurish samaradorligini oshiradi. Sho‘x va motivatsion musiqalarni tinglab yuguruvchilar sokin musiqa eshituvchilarga qaraganda 800 metr ko‘proq masofani bosib o‘tgani isbotlangan. Agar siz yugurishga qiziqsangiz, o‘z qobiliyatingizni yaxshilash uchun musiqa tinglang.

Stressni kamaytiradi va salomatlikni yaxshilaydi. Musiqa tinglash stress gormoni darajasini pasaytirishi mumkin. Tadqiqot shuni ko‘rsatdiki, odamlar turli zarbli cholg‘u asboblarini chalish va qo‘shiq aytish orqali musiqa yaratishda faol ishtirok etganlarida immunitet tizimi kuchayadi.

Agar stressga tushsangiz, sizni tinchlantirishga yordam berish uchun radioni yoqing va qo‘shiq hirgoya qilishni ham unutmang.

Yaxshi uxlashga yordam beradi. Yotishdan oldin 45 daqiqa davomida tinchlantiruvchi klassik musiqa tinglagan talabalar audiokitob bilan uxlagan yoki umuman hech narsa tinglamaganlarga qaraganda ancha yaxshi uxlashadi.

Depressiyani kamaytiradi. Dunyo bo‘ylab 350 milliondan ortiq odam depressiyadan aziyat chekmoqda va ularning 90 foizi uyqusizlikdan qiynaladi. Tadqiqotlar shuni ko‘rsatdiki, depressiya belgilari klassik musiqani tinglaganlarda sezilarli darajada kamayadi.

Bu borada sizga mumtoz yoki meditativ musiqa tinglash tavsiya etiladi.

Mashina haydash paytida kayfiyatingizni ko‘taradi. Ko‘pchilik mashina haydayotganda radio tinglashni xush ko‘radi. Bu bejiz emas. Chunki musiqa haydovchiga diqqatni jamlashga yordam beradi.

Xotirani mustahkamlaydi. Tadqiqotchilar musiqa maʼlumotni yaxshiroq o‘rganish va eslab qolishga yordam berishini aniqladilar. Dars jarayonida musiqa tinglagan ishtirokchilar yangi maʼlumotlarni yaxshiroq o‘rgangan va sinovlarda ijobiy natijalarga erishgan.

Demak, musiqa insonning bilim va xotirasini mustahkamlashga ham yordam berar ekan.

Og‘zaki nutqni rivojlantiradi. Tadqoqtlarga ko‘ra, 4 yoshdan 6 yoshgacha bo‘lgan bolalar bir oylik musiqa darslaridan so‘ng 90 foiz so‘zlarni tushunishi va ularning maʼnosini anglash qobiliyati sezilarli darajada yaxshilagan.

• Aql
• Musiqa
• salomatlik