Ortiqcha vazndan aziyat chekuvchi insonlar ko‘pincha ochlik hissini ichimliklar evaziga yo‘qotishni ma’qul ko‘rishadi. Biroq, ba’zi ichimliklarni och qoringa iste’mol qilish jiddiy kasalliklarga sabab bo‘lishi mumkin.

Yangi tayyorlangan meva sharbati

Meva sharbati vitaminlar va antioksidantlarga boy hisoblanadi. Biroq och qoringa isteʼmol qilingan meva sharbati qondagi glyukoza miqdorini keskin oshirib yuboradi. Bunday holda oshqozon glyukoza miqdorini kamaytirish uchun koʻp miqdorda insulin ishlab chiqaradi. Natijada glyukemik oʻzgaruvchanlik paydo boʻladi. Bunday holatda yurak qon-tomir kasalliklari va vazn oshish xavfi kuchayadi.

Qahva

Qahva me’da shirasini oshirishi isbotlangan. Shu sababli oshqozon yarasi va ichak sindromi mavjud insonlarga och qoringa qahva iste’mol qilish tavsiya qilinmaydi. Chunki me’da shirasining ortiqcha miqdori oshqozon shilliq qavatiga zarar yetkazadi.

Spirtli ichimliklar

Och qoringa iste’mol qilingan spirtli ichimliklar qondagi glyukoza miqdorini kamaytiradi. Natijada asabiylik, titroq, o‘tkir ochlik hissi kabi salbiy oqibatlar kelib chiqadi. Shuningdek, spirtli ichimliklar ovqat hazm qilish muammolarini keltirib chiqaradi.

Achchiq choy

Choy tarkibida taninlar mavjud. Och qoringa choy is’temol qilganda, taninlar ko’ngil aynishini keltirib chiqarishi mumkin. Ichimlik qanchalik achchiq bo‘lsa, taninlar miqdori shunchalik yuqori bo‘ladi va ko‘proq noqulayliklar tug‘diradi. Choyni ovqatdan yarim soat o‘tgach iste’mol qilish tavsiya etiladi.

• Foydali
• ichimliklar
• qiziqarli
• salomatlik