31°
Kechasi 18°
Iqtisodiyot va tinchlik instituti (Institute for Economics & Peace, IEP) e’lon qilgan mamlakatlarning xavfsizlik va tinchliksevarlik darajasi reytingida (Global Peace Index 2025) O‘zbekiston 67-o‘rinni egalladi.
Joriy yilgi indeks 163 ta davlat va hududni qamrab olgan — ularda sayyoramiz aholisining 99,7 foizi yashaydi.
Global Peace Index uchta guruhga birlashtirilgan 23 ta ko‘rsatkichga asoslanadi:
– jamoat xavfsizligi va himoyalanganlik darajasi;
– ichki va xalqaro nizolarning mavjudligi;
– harbiylashish darajasi.
Islandiya qatorasiga 17-marta reyting yetakchisi bo‘ldi. Shuningdek, yetakchi beshlikka Yangi Zelandiya, Avstriya va Shveysariya kirdi.
Reyting mualliflari ushbu mamlakatlarda jamiyatda ishonch darajasi yuqoriligi va zo‘ravonlik ko‘rsatkichlari pastligini ta’kidlashgan.
O‘zbekiston ushbu reytingda 67-o‘rinda (96 mamlakatdan yuqorida) joylashgan. Global Peace Index O‘zbekistonni 2020 yilda — 103-o‘ringa, 2024 yilda 69-o‘ringa loyiq ko‘rgandi.
Reyting autsayderlari esa quyidagilar:
– Rossiya;
– Ukraina;
– Sudan;
– Kongo DR;
– Yaman.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
