Joriy yilning 14-oktyabr kuni Oʻzbekiston Milliy paralimpiya qoʻmitasi huzuridagi Paralimpiya sport turlari boʻyicha mutaxassislarni tayyorlash instituti faoliyatini tashkil etish chora-tadbirlari toʻgʻrisida Vazirlar Mahkamasining qarori qabul qilindi.
Unga binoan, Milliy paralimpiya qoʻmitasi huzurida Paralimpiya sport turlari boʻyicha mutaxassislarni tayyorlash instituti tashkil etilib, ushbu institut ilmiy-taʼlim muassasasi sifatida faoliyat yuritadi.
Institut parasport boʻyicha mutaxassislar, trenerlar, yoʻriqchi-uslubchilar malakasini oshirish, ularni xorijda oʻqitish va chet ellik mutaxassislar tajribasini oʻrganish va boshqa tegishli faoliyat turlarini amalga oshiradi.
Mutaxassislarning malakasini oshirish quyidagi shakllarda amalga oshiriladi:
1. Toʻgʻridan-toʻgʻri malaka oshirish (taʼlim dasturlari boʻyicha oʻqitish);
2. Ilmiy-tadqiqot muassasasida tajriba orttirish;
3. Xorijda tajriba orttirish;
4. Mustaqil oʻqib bilim orttirish;
5. Masofaviy taʼlim.
Mutaxassislarni qayta tayyorlash kurslari yuridik va jismoniy shaxslarning buyurtmalari yoki mehnat bozorining talablari bilan belgilanadigan ayrim pedagoglarning qayta ixtisoslashuvi yoxud yangi mutaxassislikka ega boʻlishi munosabati bilan Institut tashabbusiga koʻra shartnoma asosida tashkil etiladi.
Mutaxassislarni qayta tayyorlash quyidagi shakllarda amalga oshiriladi:
1. Pedagogik qayta tayyorlash;
2. Kasbiy qayta tayyorlash;
3. Maxsus oʻquv kurslarda oʻqitish.
Parasport boʻyicha mutaxassislar “El-yurt umidi” jamgʻarmasi yordamida xorijga malaka oshirish uchun joʻnatiladi.
Muassasani saqlash xarajatlari 2022-yilda respublika byudjeti mablagʻlari doirasida, 2023-yildan davlat byudjeti parametrlarida nazarda tutiladi.
Institut vaqtinchalik Toshkent shahri, Beshyogʻoch koʻchasi 126-uy binosida faoliyat koʻrsatadi va kelgusida uni Toshkent shahrida barpo qilinayotgan “Olimpiya shaharchasi”da joylashtirilishi nazarda tutilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!