Qibray tumanida noqonuniy “mayning ferma” tashkil etib 1 mlrd so‘mlik elektr energiyasidan noqonuniy foydalangan xonadon aniqlandi. Bu haqda Iqtisodiy jinoyatlarga qarshi kurashish departamenti xabar berdi.

“O‘zenergoinspeksiya” Toshkent viloyati hududiy boshqarmasi tomonidan o‘tkazilgan nazorat tadbirida Qibray tumanida istiqomat qiluvchi fuqaro M.Sh.ga qarashli xonadonda mayning qurilmasini taqmoqqa to‘g‘ridan-to‘g‘ri ulab, noqonuniy foydalanib kelayotganligi aniqlangan.

Ushbu qoidabuzarlik natijasida, elektr ta’minoti korxonasining dastlabki hisob-kitoblariga ko‘ra, 1 milliard 14 million so‘mlik zarar yetkazilganligi ma’lum bo‘lgan.

Hozirda huquqni muhofaza qiluvchi organlar tomonidan tergovga qadar tekshiruv ishlari olib borilmoqda.

• Elektr energiyasi
• Qibray
• Qoidabuzarlik
• Toshkent viloyati