Turkiya klubi o‘zbekistonlik futbolchini sotib olish huquqi bilan 2025-2026-yilgi mavsum so‘ngiga qadar ijaraga oldi.

“O‘zbekiston milliy terma jamoasi futbolchisi oilamizga xush kelibsan, bizning to‘q sariq-to‘q ko‘k libosimiz bilan muvaffaqiyat tilaymiz”, – deyiladi klub matbuot xizmati xabarida.

Ma’lumot uchun, o‘zbekistonlik hujumchining “Roma” bilan amaldagi shartnomasi yana bir yilga mo‘ljallangan bo‘lsa-da, u o‘tgan mavsum yakunidan beri ketishi mumkin bo‘lgan futbolchilar ro‘yxatida tilga olinayotgandi. Ma’lumotlarga ko‘ra, hujumchi keyinchalik 2,7 million yevroga sotib olish majburiyati bilan turk klubiga 3 million yevro evaziga ijara asosida o‘tdi.

Bundan tashqari, kelishuvda Shomurodovning keyinchalik sotilishidan “Roma” foydasiga 10 foiz miqdorda mablag‘ ajratilishi ko‘zda tutilgan. Eldor Shomurodov yana bir yilga uzaytirish imkoniyati bilan ikki yillik shartnoma imzoladi.

Shomurodov so‘nggi mavsumda rimliklar safida jami 37 o‘yin o‘tkazib, 7 ta gol va 5 ta golli uzatmani amalga oshirdi.

• Eldor Shomurodov
• Italiya
• Roma
• Turkiya