Inson ehtiyot qiladigan bosh a’zolaridan yana biri tildir. Uni ham saqlamoq lozim. Hazrat Abu Bakri Siddiq roziyallohu anhu aytadilar: “Badanning har bir a’zosi Alloh taologa tildan shikoyat qiladi: “YEy Rabbim, uni to‘g‘ri saqlagin. Agar u to‘g‘ri bo‘lsa, hammamiz to‘g‘ri bo‘lamiz. Agar buzilsa, bizlar ham buzilamiz”.

Hazrat Ali karamallohu vajhahu aytadilar: “Kishi tilining ostidadir”, chunki u gapirmagunicha uni johilmi yoki olimmi, yaxshimi yoki yomonmi, – bilib bo‘lmaydi. Uning kimligini tili fosh qiladi".

Hasan Basriy rahmatullohi alayh til borasida bunday deganlar:
“Uning (tilning) hajmi kichik, lekin gunohi kattadir”.

Abu Hayyon Tamimiy rahmatullohi alayh aytadilar: “Agar kishi oyoqlarini saqlashni xohlasa, tilini ehtiyot qilsin”.

"Sharm va hayo” kitobida

• Islom